<strong><img class="alignleft wp-image-21455 size-medium" src="https://ibendera.com/wp-content/uploads/2023/02/WhatsApp-Image-2023-02-01-at-2.53.40-PM-293x300.jpeg" alt="" width="293" height="300" />Abazitabira Rwanda Revival Conference izabera mu Rwanda kur'uyu wa 6 tariki 4 Gashyantare 2023 bizejwe kuzahembuka imitima binyuze mu bakozi b'Imana banyuranye ndetse hakazabaho n'igikorwa cyo gusengera abarwayi.</strong> Apotre Patrick RUGIRA uhagarariye Phaneroo Uganda mu Rwanda akaba ari nawe uzakira Apotre GRACE LUBEGA mu Rwanda akazaba ari n'umutumirwa mukuru yavuze ko uzaza wese azahembuka imitima bitanyuze mu ndorerwamo y'abazavuga ubutumwa n'abazaririmba ahubwo binyuze mu butumwa bwiza buvuga Imana bazasangiza abazaza mu gitaramo. Apotre Patrick yavuze ko impamvu bahisemo gutumira Apotre Grace LUBEGA aruko ari umuntu ufite ijambo ritavangiye akaba ari umukozi uvugira Imana neza akaba akomoka mu gihugu cya Uganda akaba yobora itorero ryitwa Phaneroo Ministries rifite abakirisitu batari bake mu gihugu cya Uganda. Aha yagize ati:" <strong><em>Uramutse ushinze Television ivuga ibintu byiza twayikurikira bitewe n'ibyiza uduha ntabwo twayikurikira kubera wowe, rero abazaza muri Rwanda Revival Conference ntabwo tubasaba kuzareba ku bantu bazaba bahari ahubwo turabasaba kuzatinda ku butumwa Imana izanyuza muri bo kuko nicyo cy'ingenzi kuri twe, Apotre Grace LUBEGA ni umukozi w'Imana twizera ko abazaza muri icyi giterane bazafashwa n'ubutumwa bwiza Imana izanyuza muri we</em></strong> ". Yakomeje agira ati:" <em style="font-weight: bold;">Ntituzaba turimo guhimbaza umuntu ahubwo tuzaba turimo kwerekana imbaraga z'Imana zimurimo kuko</em><em><strong> intego yacu nukuzana abantu kuri Yesu Kristo, niyo mpamvu rero twifuza ko abantu bazaza ari benshi kugira ngo bahembuke imitima kandi tuzashimishwa no kubona abantu bava mu byaha bakakira agakiza"</strong></em>. [caption id="attachment_21454" align="alignnone" width="1000"]<img class="wp-image-21454" src="https://ibendera.com/wp-content/uploads/2023/02/ok1-300x232.jpg" alt="" width="1000" height="773" /> Apotre Patrick RUGIRA uhagarariye Phaneroo Uganda mu Rwanda[/caption] Apotre Patrick kandi yavuze ko uretse kuba Rwanda Revival Conference izabera i Kigali muri BK Arena no hirya no hino hazabaho uburyo abantu bazakurikirana icyi giterane ndetse hakazabaho n'uburyo bamwe bashobora kuzabikurikirana kuri television zimwe na zimwe za hano mu Rwanda. Ku birebana n'uburyo abazakirira agakiza muri Rwanda Revival Conference bazakurikiranwa, Apotre Patrick yavuze ko buri muntu uzakizwa azoherezwa muri rumwe mu nsengero ziri hafi yaho atuye kugira ngo azabashe gukurikiranwa no kurerwa mu gakiza bityo bimurinde kuzasubira inyuma. Apotre Patrick yasabye kandi abantu bose kuzaza bafite inyota yo gukira binyuze mu butumwa bwiza bwa Yesu Kristo by'umwihariko atumira abatinganyi mur'icyi gitaramo aho yavuze ko nabo bahawe ikaze kugira ngo bazaze bumve ubutumwa bwiza, ibintu bishobora no kuzabafasha kumenya ukuri bakava mu butinganyi bakayoboka itegeko ry'Imana rivuga ko umugabo yaremewe kubana n'umugore aho kuba umugabo yabana n'undi mugabo cyangwa se ngo umugore abane n'undi mugore. Rwanda Revival Conference ni igiterane cy'ububyutse kidashingiye ku idini iryo ariryo ryose kikazaba kigizwe n'ibice 2 aho kuwa 5 hazabaho ihuriro rya Minisiteri zitandukanye hanyuma igiterane nyirizina kikazaba kuwa 6 tariki 4 Gashyantare 2023 kikazabera muri BK Arena mu Rwanda kuva saa munani z'amanywa kugeza saa moya z'ijoro aho uretse Apotre Grace Lubega uzaba ari umuvugabutumwa mukuru hazaba hari n'abahanzi banyuranye barimo itsinda rya Elayone music, James na Daniella ndetse n'abandi bakiri ibanga kugeza ubu. Imiryango yo kwinjira muri izaba ifunguye kuva saa sita z'amanywa aho kwinjira bikazaba ari ubuntu ariko abantu bakaba basabwa kwiyandikisha banyuze kuri *810*100# kugira ngo babikirwe imyanya muri icyi giterane. [caption id="attachment_21451" align="alignnone" width="1000"]<img class="wp-image-21451" src="https://ibendera.com/wp-content/uploads/2023/02/apotre-Moses-300x204.jpg" alt="" width="1000" height="681" /> Apotre Moses akaba nawe yitabiriye ikiganiro n'Abanyamakuru[/caption] [caption id="attachment_21452" align="alignnone" width="1000"]<img class="wp-image-21452" src="https://ibendera.com/wp-content/uploads/2023/02/ok3-300x200.jpg" alt="" width="1000" height="667" /> Uhereye ibumoso, Elayone Music, Apotre Patrick, Apotre Moses, Mucyo[/caption] <img class="alignnone wp-image-21455" src="https://ibendera.com/wp-content/uploads/2023/02/WhatsApp-Image-2023-02-01-at-2.53.40-PM-293x300.jpeg" alt="" width="1000" height="1024" />
MU RWANDA
HANZE
