MU RWANDA
HANZE
Bamwe mu bakrisitu batuye mu gihugu cya Bangladesh bakoze imyigaragambyo yo kwamagana no kwinubira uburyo abakirisitu bakomeje guhutazwamo bagasaba ibihano bikomeye ku bantu baherutse gufata ku ngufu abana b’abakobwa 2 babaziza ko ari abakirisitu
“Turasaba gufatwa vuba no guhabwa igihano cy’intangarugero ku bafata ku ngufu abana kuko bitabaye ibyo, abandi bazumva bafite uburenganzira bwo kubikora mu gihe kiri imbere, aya ni amwe mu magambo yagarutsweho mu myigaragambyo aho bagiraga bati:”Bashiki bacu babiri b’ingimbi bafashwe ku ngufu i Katabari, muri Bangladesh”. Nk’uko ikinyamakuru Asia News kibitangaza ngo:” abapolisi basa naho badashaka kugira icyo bakora.”
Abakobwa bato b’abakristu bo muri paruwasi ya Biroidakuni basubiye mu rugo ku ya 28 Ukuboza nyuma yo kwizihiza isabukuru y’ubukwe n’umuryango wabo.
Nk’uko ibiro ntaramakuru by’ikigo cya Pontifical Institute for Mission kibitangaza ngo mu nzira bataha, bagabweho igitero n’abagabo icumi b’abayisilamu bafite hagati y’imyaka 19 na 22.
Amakuru ya Aziya avuga ko bahohotewe mu magambo no ku mubiri mbere yo kujyanwa mu gace kamwe aho bafashwe ku ngufu hanyuma bagakangishwa gupfa kugira ngo babacecekeshe.
Ku ya 30 Ukuboza, ababyeyi batanze ikirego, ariko bivugwa ko abapolisi ntacyo bakoze kubera igitutu cy’imiryango y’abafata ku ngufu.
Ku wa mbere, hateguwe imyigaragambyo yateguwe na Garo Adibashi League yo muri Bangladesh hamwe n’abagize ishuri ribanza rya St Peter aho bahamagarira “ibihano by’intangarugero” ku bakoze ibi bikorwa kugira ngo bibere isomo n’abandi babitekereza.
Umunyamabanga wa Ligue yo muri Bangladesh, Garo Adibashi Leon Rema yavuze ko arakaye.
Agira ati:”Turasaba ko hafatwa vuba igihano cy’intangarugero ku bafata ku ngufu kuko bitabaye ibyo, abandi bazumva ko bafite uburenganzira bwo kubikora mu gihe kiri imbere. Niba tutabonye ubutabera, umuryango wa Garo uzakora imyigaragambyo ikomeye vuba. ”
Aba bana bafashwe ku ngufu bakaba basengera mu idini gatulika ya hariya mu gihugu cya Bangladesh.
