Umugabo wasengaga shitani yashyiguwe mu buryo budasanzwe

Nk’uko yabyemeye mu mwaka wa 2020,Umugabo wo muri Nigeria wari uzwi nk’Umwami wa Shitani/Satani yashyinguwe mu modoka mu cyaro avukamo muri Leta ya Enugu mu Majyepfo ahagana mu burasirazuba bw’icyo gihugu, nyuma y’uko apfuye afite imyaka 74.

Nk’uko abari bahari babivuga ngo uyu Odo yasabye gushyingurwa muri ubu buryo, nk’uko umuhungu we Uchenna Odo yabivuze.

Uko gushyingurwa mu modoka moteri yayo icanye bivuze ko agiye kwerekeza neza mu yindi si, nk’uko bamwe mu bana be babivuze. Odo yapfuye mu masaha yo mu gitondo cyo kur’uyu wa kabiri .

Abatuye mu cyaro cya Aji bavuga ko ari bwo bwa mbere umuhango wo gushyingura mu buryo budasanzwe nk’uyu uhabaye.

Mu kiganiro yagiranye na BBC mu mwaka wa 2020, Odo yavuze ko umugenzo wo gusenga Shitani/Satani awukomora ku babyeyi be no kuri sekuru na nyirakuru, basengaga Shitani/Satani, ariko yashimangiye ko adafasha abandi bantu kugirira nabi bagenzi babo.

Aha kandi Yavuze ko yari afite abagore 57 kandi ko yari yararetse ibyo kubara abana n’abuzukuru be kuko atari akibuka umubare wabo n’amasura yabo.