Umuhanzikazi Knowless yibarutse umwana wa 3

Umuryango wa Ishimwe Clement n’Umuhanzikazi Butera Jeane wamenyekanye mu muziki nka Knowless bari mu byishimo bidasanzwe nyuma yo kwibaruka umwana wabo wa gatatu.

Uyu mwana batigeze batangaza izina rye, aje asanga abandi bana babiri barimo Ishimwe Or Butera bibarutse mu mwaka wa 2016 na Ishimwe Inzora Butera wavutse mu mwaka wa 2020.

Iyi nkuru y’uko Butera Knowless yibarutse umwana wa gatatu ikaba yamenyekanye ku mugoroba wo kuri uyu wa gatanu tariki ya 3 Werurwe 2023.

Butera Knowless na Ishimwe Clement basezeranye imbere y’amategeko ku wa 31 Nyakanga 2016 mu gihe gusezerana imbere y’Imana byabaye ku wa 7 Kanama mur’uwo mwaka wa 2016, ubukwe bwabereye i Nyamata mu Karere ka Bugesera ari naho aba bombi batuye.

Ubusanzwe urugo rw’aba bombi ntirujya rupfa gushyira hanze ibijyanye n’amakuru yo mu muryango wabo aho bakunze kuvuga ko ari ubuzima bwabo bwite.