Ibicurane bitumye INGABIRE Victoire atitaba RIB

Madame INGABIRE Victoire Umuhoza wagombaga kwitaba urwego rw’igihugu rushinzwe ubugenzacyaha mu Rwanda RIB uyu munsi amaze gutangaza ko bitagishobotse kubera ko arwaye indwara y’ibicurane

Madame Ingabire Victoire Umuhoza yahamagajwe n’Urwego rw’Ubugenzacyaha (RIB), nyuma y’iminsi bimenyekanye ko hari abantu bakorana bya hafi bakurikiranyweho kuba mu mugambi wo gukwiza ibihuha bigamije guteza imvururu n’imidugararo muri rubanda.

Kuri iki Cyumweru Ingabire yanditse ku mbuga nkoranyambaga ko abantu yita abe “bamaze gutabwa muri yombi n’inzego z’umutekano babaye 10.”

Ingabire yanditse kuri Twitter agira ati “Ejo tariki 19/10/2021 saa tatu n’igice nasabwe kwitaba kuri RIB ndetse yemeza ko azitaba, gusa mu gitondo cyo kur’uyu wa 19/10/2021 saa10:16 za mu gitondo amaze kwandika kuri twitter avuga ko atagishoboye kwitaba kubera indwara y’ibicurane.

Madame Victoire mu itangazo yanamenyeshejemo RIB yamuhamagaje agira ati:”Gahunda yo muri RIB irasubitswe kuberako ndwaye grippe. Izasubukurwa mu minsi iri imbere”.

Gusa kugeza ubu RIB yo ntacyo irasubiza kuri iri tangazo ryashyizwe hanze na Madame INGABIRE Victoire UMUHOZA.